Театарска претстава „Ни ваму ни таму“ во Гевгелија

Во Градскиот театар во Гевгелија беше изведена театарската претстава „Ни ваму ни таму“. Публиката со симпатии ја прими комедијата кој зборува за нас,Македонците . Ама поинаква. Како благ мелем на лута рана. Како нашиот, македонски живот. Публиката се смееше, ама и се подзамислуваше! Двајца Македонци, едниот иселеник а другиот доселеник, случајно најдени на еден европски аеродром, на смешен начин ги фалат и кудат предностите и недостатоците на Македонија и „светот“. Кој, кај, што било, како ќе биде...Овде било вака, таму онака...Расправии - до тепање. Извонредна актерска игра. Де смешна, де сериозна. Длабока доживеаност и емотивно соголување. Реченици и изрази како пресадени од обичниот, секојдневен живот. Автор на комедијата е Бојан Трифуновска а играа Љупчо Тодоровски-Упа, Симеон Дамовски, Никола Кумев.