Гевгелискиот хор „Гортинија“ настапува во Солун

По покана на хорот КОРАИС од Солун, соседна Грција, хорот ГОРТИНИЈА од Гевгелија учествува на Интернационалниот фестивал на хорска музика во Солун. Фестивалот се одржува во свечената сала на Универзитетот „Артистотел“, а хорот „Гортинија“ ќе се претстави со неколку композиции, меѓу кои „Македонско оро“ од Тодор Скаловски, со која ги освои симпатиите и подршката на многу европски и светски фестивали, потоа, со хорска обработка на грчката народна песна „Таласаки Му“, како и со избор композиции од мјузикли: „Боемска Рапсодија„ - Queen, You Raise Me Up – Rolf Lovland и Aquarius/Let The Sunshin од мјузиклот „HEAR“.

Нашите хористи ќе бидат придружувани од инструменталистите: Антонио Какров - гитара, Момчило Делев - тапани, Горан Стојанов – бас гитара, како и специјалниот гостин, нашиот светски познат пијанист Глигор Гелебешев - пијано. Се очекува на овој значаен настан во солун да присуствува градоначалникот на општина Гевгелија Иван Франгов и Конзулот на Македонија во Грција Томислав Димитровски.