Под кулите на Струмица, серенади и староградски песни

Фестивалот на староградски песни и серенади ,, Под кулите на Струмица,, одбележа мал јубилеј. Петта година по ред серенадата повторно се пееше низ струмичките улици. Повеќе ансамбли од земјата кои ја негуваат староградската песна, но и дел од струмичката естрада годинава зедоа учество на фестивалот кој веќе станува дел од богатата културна понуда на Струмица.

Веќе традиционално фестивалот започна со делифе на сите учесници низ струмичките улици, а продолжи на сцената на центарот на културата Антон Панов каде во преполната сала љубителите на убавата староградска песна имаа можност околу два часа да уживаат во преубавите стихови и музика посветени на љубовта и вечниот копнеж.

На петтиот по ред фестивал на староградски песни и серенади учество зедоа ансамблите “Распеани Струмичани“, “Распеани Валандовчани“, “Камелија“ од Свети Николе, “Свети Ѓорги“ од Ново Село и членот на Здружението на македонско-руското пријателство “Чајка“, Константин Карев со руски песни, а како и дел осд струмичката естрада кои специјално за вестивалот подготвија сплет од повеќе стари македонски песни, но и мексикански песни кои во времето на серенадите, во шеесеттите години најмногу се пееле во Струмица .

Организатор на фестивалот е НУЦК ;; Антон Панов,, Струмица , а истиот беше реализиран со поддршка на министерството за култура и општина Струмица.