Струмичкиот театар со премиера на ,,Подземна комедија,,

Струмичкиот театар во петок премиерно ќе ја изведе преставата „Подземна комедија“ од Христо Бојчев во режија на Деан Дамјановски. Во преставата играат Стојан Велков – Трн, Васил Михаи, Коста Ангов
Оливера Аризанова, Јулија Милкова, Бранко Бенинов, Кире Ѓоргиев, Томе Ментинов, Ванчо Василев и Ванчо Крстевски

„Подземна комедија“ е претстава за разликата помеѓу животот и живеењето, помеѓу цената на животот и неговата вистинска вредност која ја сфаќаме дури кога ќе се најдеме пред смртта ... или после неа. Тоа е претстава за егзистенцијалните дилеми на еден човек кој погледнува на својот живот од позиција на смртта. И сето тоа проткаено со специфичен „балкански“ хумор кој се граничи со апсурд, како и со еден бескраен оптимизам кој ја потврдува човечката вредност и сила и допира до суштината на неговото постоење“ вели режисерот Дамјановски кој се јавува и во улога на избор на музика . Костимографија е на Елена Дончева, Сценографија на Кирил Василев а Ассистент на сценографија е Митко Гогов