Откриени доцноатничките бедеми на Струмица кај стариот суд

Потврда за тоа даваат и најновите археолошки откритија на локалитет ,,Стар суд,,. Таму,наместо очекуваните остатоци од средновековната црква посветена на Св.,,Константин и Елена,, археолозите наидоа на доцноантички бедем кој го чувал градското јадро од можните непријателските војски и напади.Со новото откритие само се потврдуваат досегашните пишани историски извори кои ја прават Струмица еден од најстарите градови во Македонија.

,,Засега освен на локалитетот ,,Цареви кули,, немавме други потврди, меѓутоа еве овде во самиот град Струмица, на ова место се појавија градските бедеми кои морам да кажам и нас не изненадија колку се широки и големи, а и дел од фортификација,односно кула овде се појави на која понатаму се поставувани други сидни структури, најверојатно од објекти. Сето она што е запишано во историските извори се потврдува и дека градот Струмица опстојува веќе повеќе од 2300-400 години.,, вели Зоран Рујак археолог

Новите откритија за струмичките археолози претставуваат само добра основа за понатамошни подетални истражувања во стариот дел на градот од кои очекуваат да добијат многу појасна слика за Струмица како град но и неговата улога во историјата на Република Македонија,а и пошироко. Досегашните истражувања на локалитетот ,,Стар суд,, завод и музеј Струмица ги реализираше како дел од редовната програма на министерството за култура.