КУД „Негорци“ на гостување во Турција

КУД„Негорци“ замина на гостување во турскиот град Искендерун, во близина на границата со Сирија. Фолклористите од Негорци пред публиката од овој град ќе го презентираат македонскиот фолклор. Инаку, ова реномирано културно- уметничко друштво редовно гостува во Турција, како резултат на соработката со фолклорните друштва од Искендерун. Станува збор за град, кој е дел од провинцијата Хатаи, на медитеранското крајбрежие од Турција. Неговото оригинално име било Александрета, но, по доаѓањето на Арапите името било променето. Фолклористите од Македонија се очекува да бидат примени од градоначалникот на Искендерун Јусуф Хамит Чивелек.