Струмичани со најдобра маска на карневалот во Србија

Маските работени со многу љубов, а презентирани на традиционалниот струмички карневал што се одржа во март годинава, ги освојуваат наградите на карневалите во соседните земји. На осмиот меѓународен карневал што се одржа во Лесковац, Република Србија, маската “Ангели и демони“ на средното општинско училиште “Никола Карев“ од Струмица ја освои првата награда.

Прогласувајќи ја за најдобра и најкреативна маска во конкуренција на 41 група од неколку земји,организаторот на фестивалот на членовите на карневалската група им врачи плакета и диплома. Покрај оваа награда, струмичките ангели и демони добија и специјална награда, медал за најдобра идеја, кореографија и изведба од претседателот на европската асоцијација на карневалски градови, Хенри Ван Дер Крон.