Заврши Струмица опен фестивал

Прилепската алтернативна панк - рок група „The Hounds“ ја отвориja последната вечер на овогoдинешниот „Струмица опен фестивал“. По нив настапи “првата труба во светот“ Џамбо Агушев кој што многубројната публиката ја крена на нозе заедно со специјалната гостинка од Србија Катерина Живковиќ.

Ален Исламович, поранешниот член на култната рок група „Бјело Дугме“, заедно со неговиот бенд ги исполнија своите познати хитови, кои што публиката ги пееше во еден здив.

За крај, забавата кулминираше со настапот на балканската супер ѕвезда Северина, која што публиката ја остави без здив, како со нејзините познати хитови, така и со провокативното ултра кратко фустанче.

Вечерва фестивалот завршува со продажба на делата во малиот градски парк, создадени на ликовната колонија која работеше во рамките на фестивалот, а средствата кои ќе се соберат ќе бидат искористени во хуманитарни цели.