Русалиите во Секирник повторно заиграа и добија споменик

Во чест на големиот христијански празник ,, Успение на Пресвета Богородица,, во селото Секирник во општина Босилово се одржa четвртата ,, Средба на Русалии – фолклор,,. Годинава на средбата покрај домакините, културно уметничкото друштво ,, Русалии,, настапија и русалиската фолклорната група ,, Пољаните,, од Петрич – Република Бугарија, ЗфК ,, Копачка,, од село Драмче – Делчево, КУД ,, Танец ,, од Миравци и оркестарот ,, Зора,, во кој членуваат студенти од одсекот етнокореологија од факултетот за музичка уметност при универзитетот ,,Гоце Делчев,, од Штип. Сите тие преку нивната игра и песна поткрепени со звукот на тапанот и писокот на зурлата направија повторно да се доживее историјата за која велат дека не се чита, туку се гледа и осознава.

За градоначалникот на општина Босилово Љупчо Колев под чие покровителство и оваа година се одржа средбата истата  од една страна значи чување на традицијата, а од друга и можност за промоција на богатиот фолклор и културните вредности на регионот.

,, Ние сето тоа треба да го искористиме, да го негуваме и да дадеме поттик. Задача на општината е таквите да ги  поддржува, а таквите иницијативи таквите луѓе секогаш да и бидат во преден план,, рече Љупчо Колев – градоначалник на општина Босилово

Во рамките на четвртата средба на русалиите, а во чест на сто годишнината од егзодусот на македонците од беломорскиот дел на Македонија во центарот на селото Секирник беше откриен споменик на русалија, дело на академскиот скулптор Горан Ѓорев. Споменикот беше подигнат на иницијатива на група група ентузијасти од Секирник, а со поддршка на градоначалникот и советот на општина Босилово со цел трајно да сведочи за историјата и вистината на русалиите.