Промовиран зборникот ,, Мудроста на вековите,, од Иван Котев

Познатиот фолклорист Иван Котев го промовираше зборникот на македонски народни поговорки од струмичкиот регион насловен ,,Мудроста на вековите,,. Станува збор за дело кое е резултат на четиридеценискиот труд на Котев и во кое се собрани 16 000 народни поговорки, мудрости и пословици.

За книгата на Иван Котев пред преполната сала во центарот за култура ,,Антон Панов,, во Струмица говореа рецензентот, професорот Илија Велев и промоторот магистер Ана Витанова – Рингачева. Според нив зборникот ,,Мудроста на вековите,, која е резултат на долгогодишниот труд на нашиот фолклорист и прибирач на народни поговорки и мудрости само го надополнува мозаикот на македонската самобитност. Тие потенцираа дека во петстотините страници на зборникот се собрани точно 16 000 народни поговорки, благослови и клетви кои претставуваат чиста есенција на народната мудрост и од нив блика свежината на народниот гениј.

Зборникот на поговорки и пословици од струмичко ,, Мудроста на вековите,, излезе во издание на ЛУБ ,, Благој Јанков – Мучето,, од Струмица, а под покровителство на општина Струмица.