Трета средба на русалии во Секирник...

Во понеделник во чест на големиот христијански празник ,, Успение на Пресвета Богородица,, во селото Секирник ќе биде организирана третата по ред средба на Русалии насловена ,, Русалии фолклор- Секирник 2012,,.

На средбата покрај домакините КУД,, Русалии,, од Секирник ќе учествуваат КУД,, Танец,, од Миравци, русалиската фолклорна група ,, Пољаните,, - Петрич и ,, Леб и вино,, од соседна Бугарија, а свој настап ќе има и доајенот на струмичкиот театар Зора Георгиева со извадок од монодрамата ,, Велика,, од Петре М. Андреевски, а во режија на Кире Георгиев. Целта на манифестацијата е да го зачува, но и афирмира русалиството како древен обичај од Јужна Македонија.

Организатор на русалиските средби е КУД,, Русалии,, од Секирник, а манифестацијата се реализира под покровителство на министерството за култура на Република Македонија и општина Босилово.