Фолк Фест Валандово годинава во септември со награден фонд од 30 илјади евра

Годинашново издание на Фолк фест Валандово,  повторно ќе има три фестивалски вечери од кои две полуфинални и е една финална вечер.  Организацијата на фестивалот ќе биде на новите директори (главен, уметнички и технички) кои општина Валандово ги бара на конкурс. Според информациите терминот на одржување на трите фестивалски вечери ќе биде во септември за што треба да одлучат новите директори.

,,Конкурсот ќе трае речиси до крајот на месецов и со двегодишен мандат, ќе се одберат директорите кои комплетно ќе го организираат фестивалот,, вели Николче Чурлиновски, градоначалник на општина Валандово под чија капа се одржува овој реномиран фестивал

Новина на годинашново јубилејно 30 то издание на фестивалот е што наградниот фон изнесува 30 илјади евра од кои 15 илјади ќе одат за победничката песна, 10 илјади за второпласираната а за третопласираната следуваат 5 илјади евра.