Pata Pata Recordings - нова платформа на електронската музичка сцена
Објавено на: 29 Apr 2014
Формирана од страна на тројца аудиофили и зависници од музика, Pata Pata Recordings е нова музичка платформа чија основна цел е да воспостави свој експресивен начин на размислување, да пренесе до публиката свој уникатен звук и да понуди своја уникатна приказна. Креирањето на оваа продуцентска куќа произлегува од потребата на јавноста и на слушателите на електронската музика да се понуди нешто различно, квалитетно и конкретно, наспроти монотониот и секојдневен музички амбиент.
Тимот позади оваа етикета генерално е ориентиран кон Techno, Tech-House и Deep-House жанровите, но секогаш е расположен за експериментирање, бидејќи не сака да се ограничува на само овие стилови.
Досега, вкупно имаат издадено 7 изданија од страна на афирмирани имиња од Techno, Tech-House и Deep-House сферата, вклучувајќи ги „Тed Dettman“, „Borce Panov“ „Dani Sbert“, „Phase Difference“, „Alex Sellens“, „53 Hz“, „CASSIMM“, „Magitman“, „Alex Young“ и многу други. Наскоро ќе биде промовирана и првата компилација од оваа продуцентска куќа која што ќе го носи насловот „ VA - Calibrated For The Underground vol. 1“ и во неа ќе можат да се слушнат траки од врвни артисти кои што постојано се на врвот на Techno, Tech-House и Deep-House листите.
Главната интенција на Pata Pata Recordings e да прерасне во сериозен и водечки фактор на електронската музичка сцена не само во Македонија, туку и во светски рамки, а во исто време да биде биде и достапен за сите оние кои издаваат квалитетна и автентична музика, согласно стандардите кои Pata Pata Recordings се трудат да ги наметнат.
Повеќе за Pata Pata Recordings на следните линкови:
Beatport: http://www.beatport.com/label/pata-pata-recordings/38646
Facebook: www.facebook.com/patapatarec
Website: www.patapatarecordings.com
SoundCloud: http://soundcloud.com/patapatarecordings
Twitter: http://twitter.com/PataPataRec
ВИДЕО
