Фестивал на староградски песни и серенади во Струмица

Песните посветени на вечниот копнеж  повторно ги разиграа срцата и разбрануваа емоциите на струмичани. Во организација на центарот за култура Антон Панов од Струмица по шести пат градот под царевите кули  ја славеше серенадата, преку фестивал кој симболично е насловен по неофицијалната химна на градот ,,Под кулите на Струмица,,.

И годинава Струмица повторно ширум ги отвори своите порти  и им кажа добредојде на повеќе ансамбли на староградски песни од целата држава. Покрај домакините ансамблот ,, Распеани струмичани,, годинава на фестивалот посветен на староградската песна и серенада настапија и пејачката група ,, Мирка Гинова,, од Демир Капија,  ,,Распеани гевгеличани,,  ,,Распеани Радовишани,,, октетот ,,Свети Ѓорги,, од Ново Село,  ,,Распеани валандовчани,, и староградскиот тамбурашки оркестар при домот на културата од Кратово . И оваа година беше реализиран со поддршка на министерството за култура и локалната самоуправа.