Златната потковица за филмот „Измет врз бедата“ на „Астер Фест 2014“

Со проекција на наградените филмови  вечерва во Струмица заврши десеттото јубилејно издание на интернациналниот филмски фестивал „Астер Фест“.Филмот „Хелиум“ на Андерс Волтер, кој е добитник на Оскар, е прогласен за најдобар игран филм на фестивалот  што се одржа во Струмица од 27 до 31 мај. Фестивалското жири одлучи на филмот „Измет врз бедата„ од Вијај Јода во индиско-јужноафриканско-данска копродукција да му ја додели наградата Златна потковица. Сребрената потковица ја освои филмот „Калуш што мислев дека го познавам“ од Бернард Дичек, а бронзената му припадна на краткиот филм од Босна и Херцеговина „Небо“ од Дино Касало.

Наградата за најдобар автор „Ацо Алексов“ ја доби филмот на Сенад Абдули-„Добро време да се умре“. Специјална диплома од жирито за документарен филм ја доби „Звуци за Мазин“ од Ингрид Камерлинг, а наградата „Старозлатен проектор“ ја доби полскиот краток филм „Бирди“ од Ева Коханска.

Наградата „Ѓорѓи Абаџиев“ за најдобро сценарио ја дбои филмот „Амел“ од Море Раца од Косово. Специјална диплома доби и играниот филм „Жар“ на Полјакот Бартош Круклих. Најдобар анимиран филм е француско-луксембуршката копродукција „Г-Н Хублот“ од Лоренс Витз.

Во програмата Мувиленд-кратки филмови од Австрија, жирито наградата им ја додели на филмовите „Нечуен“ на режисерот Зигмунд Скалар и на „Втор поглед“ на режисерката Јулија Нојхубер.