Русалиите во Секирник ја презентираа изворната игра на децата бегалци од кукушко

Во чест на големиот христијански празник Успение на Пресвета Богородица  Секирник повторно ги собра русалиите, единствените играорци кои ја негуваат и презентираат изворната традиционална игра на македонците бегалци од Кукуш и кукушко. На петтата средба на русалии  во Секирник учествуваа неколку фолклорни ансамбли,  русалиски групи од земјата и соседна Бугарија како и групата Баклава. Градоначалникот на општина Босилово Љупчо Колев  под чие што покровителство и оваа година се реализираше средбата вели дека оваа манифестација е многу значајна за општината бидејќи истата овозможува да се презентита, но и продолжитрадицијата на голем дел од жителите на овој регион.

,, Општината вложува огромни напори и бараме секакви прилики да реализираме секакви проекти кои ќе значат зачувување на традициите, вклучување, вклучување на младата генерација во сите тие проекти.

Традицијата е таа што ќе не одржи како народ, традицијата е таа која ни треба во моментот. Во сите овие бурни времиња, времиња на огромен напредок многу е тешко еден мал народ, една мала нација да опстане и да ја задржи својата автентичност. Ние сме должни да правиме напори а колку ќе успееме времето ќе покаже.,, рече Љупчо Колев – градоначалник на општина Босилово

Средбата на русалии како манифестација започна да се реализира пред пет години на иницијатива на КУД,, Русалии,,  од Секирник а основната цел беше да го зачува, но и афирмира русалиството како древен обичај од Јужна Македонија.