Стотина млади преку флеш моб порачаа "Избери среќа наместо омраза"

Младинскиот совет на општина Струмица во соработка со Здружението „Новус“ и Безомразно.мк денес организираа флеш моб преку кој упатија порака „Избери среќа наместо омраза“.

На оваа манифестација учествуваа околу 100 ученици од средните и основните училишта кои што танцуваа на ритамот со песната „Хепи“ од Фарел. Како што истакнаа од Младинскиот совет, целта на денешниот флеш моб беше барем на еден ден граѓаните да се почуствуват среќни и да заборават на сите проблеми.