Фото:Со трактор изнесени документи од Центарот за социјални работи во Струмица

Од фотографии кои ни ги испратија наши читатели се гледа како со трактор на Комуналното претпријатие „Турија“ од општина Василево се носат документи спакувани во кутии, но и расфрлани во тракторот.

Документите, според директорот на Центарот за социјални работи во Струмица, Кирил Поп Трајков, се уништени согласно законот за архивско работење и се носеле на депонијата „Шапкар“ кај селото Добрашинци.

Поп Трајков додава дека по добиеното решение од Историскиот архов се пристапило кон уништување на документи за кои е пропишано колку и каде треба да се чуват. Тој додава дека уништувањето на документацијата е спроведно согласно законските прописи и нема ништо спорно во носењето на документите за депонија.