Во недела ќе започне изградбата на кружниот тек кај Жито Струмица

Јавното претпријатие „Паркиралишта Струмица“ денеска ги демонтираше семафорите на крстосницата на булеварите „Климент Охридски“ и „Гоце Делчев“ кај Жито Струмица. Со тоа и започнаа подготовките за изградба на кружниот тек, а градежните работи ќе стартуваат во недела (11.06.2017 година). Се известуваат граѓаните и учесниците во сообраќајот да го почитуваат временскиот режим за сообраќај на крстосницата додека траат градежните работи.

Општина Струмица им се заблагодарува на граѓаните за разбирањето и трпението кое што го имаа дозапочнувањето со реализација на ова ново сообраќајно решение кое значително ќе ја зголеми безбедноста во сообраќајот затоа што оваа крстосница е една од најфреквентните во градот.