Костадинов присуствуваше на промоцијата на книгата „Мојот професор, пророк“ од Вера Стојчевска – Антиќ

Синоќа во центарот за култура „Антон Панов“ се одржа промоција на книгата „Мојот професор, пророк“ од професор д-р Вера Стојчевска – Антиќ, посветена на великанот на македонската научна мисла и литература, Блаже Конески. Овој убав културен настан се реализираше со поддршка на општина Струмица, а на истиот присуствуваше и вршителот на должноста градоначалник на општина Струмица, Костадин Костадинов.
За книгата зборуваше промоторот д-р Ана Витанова Рингачева, стихови од Конески кажуваа Сузана Мицева, Мариета Дукиќ и Ице Беличев, а на присутните им се обрати и авторката, споделувајќи спомени од нејзината соработка со Блаже Конески.
Вршителот на должноста градоначалник на општина Струмица, Костадин Костадинов и професор д-р Вера Стојчевска – Антиќ, денеска, ја посетија црквата „Св. Ѓорѓија во селото Муртино каде што беше промовирана и донирана книгата „Мојот професор, пророк“ во која има дел и за оваа црква.