Независниот синдикат на полицијата со протестен марш за поддршка за колегата кој пукаше од службениот пиштол

Независниот Синдикат на Полицијата ги повикува сите членови на Синдикатот како и сите колеги од МВР на РМ, со свое присуство на маршот организиран од НСП во недела на ден 20.08.2017 година да дадат поддршка на колегата од СВР Струмица кој неправедно и незаконски е осомничен дека е сторител на кривично дело, стои во соопштението на синдикатотот.
Маршот ќе се одржи со возила кои во 10.00 часот ќе тргнат од бензинската пумпа „Јован Петрол“ во Радовиш, кон кои по пристигнувањето во Струмица ќе се приклучат и возилата на учесниците од Струмица кои во 10.25 часот треба да бидат на бензинска пумпа „Лукоил“ на влезот во Струмица, по што сите возила во колона ќе се движат низ градот до 11.00 часот за кога е предвидено претседателот на НСП да даде изјава за медиумите на плоштад "Гоце Делчев".