Старт-ап академија презентираше виртуелна компанија

Согласно динамиката за реализација на активностите во рамките на проектот Старт - ап Академија со референтен број CB006.1.31.011 на 10.09.2017 година, пред учесниците од оваа академија  беше презентирана виртуелна компанија на која во период од три месеци ќе пилотираат млади луѓе од регион Гоце Делчев, Бугарија и регион Босилово, Македонија.

Оваа интернет платформа е создадено во рамките на овој проект има за цел  теоретските знаења кои учесниците во оваа академија ги стекнаа на четирите обучувачки сесии, кои беа одржани во месец мај и јуни,и на практично ниво да им се доближат до овие млади луѓе. Виртуелната компанија ги има сите елементи на реална фирма, со можност во виртуелниот свет учесниците да регистрираат команија согласно законите во Македонија и Бугарија.

Вака регистрираните виртуелни компании ќе можат помеѓу себе да тргуваат, да префрлаат виртуелни финасиски средства во виртуелна банка, да дебатираат и споделуваат знаења од областа на бизнисот и комерцијалното работење.  

Проектот го имплементираат Здружението Slow Food Ograzden Босилово и Здружението на претприемачи на регион Гоце Делчев, Бугарија.

Средствата за овој проект се обезбедени од ИНТЕРЕГ ИПА Прекугранична соработка 2014 - 2020 Бугарија - Македонија.