Изгоре покрив и оштетен е кат од пожарот во куќа кај болницата во Срумица

Според првичните информаци големиот пожар во семејна куќа на улицата „Панче Пешев“ во непосредна близина на струмичката болница избувнал околу 23,10 часот. Во гаснењето учествувале 8 пожарниари и три возила на Противпожарата единица од Струмица. Пожарот е угаснат и не е дозволено да се прошири на останатите куќи. Во пожарот целосно е изгорен и урнат покривот и оштетен е еден кат од куќата.
Според неофицијални информации причина за пожарот е електричната инсталација.
Нема загинати и повредени во пожарот

Настанот денес го потврди и МВР во денешниот билтен. 

„На 28.10.2017 година во 23,15 часот во Полициска станица Струмица, пријавено е дека на улица „Панче Пешев“ во куќа сопственост на Д.А.(69), настанал пожар, во кој бил опожарен кровот и поткровјето, како и еден спрат од куќата. На 29.10.2017 година околу 02,00 часот од екипа на Противпожарна единица Струмица пожарот е локализиран. Увид ќе се врши во текот на денешниот ден“ стои во Билтенот на МВР.

Фото:архива