Силниот дожд не предизвика посериозни проблеми во Струмичко

Според информации од Регионалиот центар за управување со кризи во Струмица силниот дожд кој што врнеше утрово на територијата на општината не предизвика посериозни проблеми, ниту пак дојде до излевање на водотеците. Единствено досега е пријавено поплавување на дел од нивите кај селото Габрово.
Од Центарот изнформираат дека во изминатово деноноќие во Струмица наврнале 11,7 литри воден талог на еден метар квадратен.
Колкава количина наврна денеска ќе се знае утре, кога УХМР во 7 часот ќе достави информација до Регионалниот центар за управување со кризи.