Академија Пандев ги почна подготовките со две засилувања

Сениорскиот тим на Академија Пандев стартуваше со подготовките за вториот дел од првенството. Првиот дел од подготовките „пандевци“ ќе ги одработат во Струмица, а екипата на 24 јануари ќе замине за Анталија, Турција, каде се до 7 февруари ќе се продолжи со вториот дел од подготовките и ќе се одигра шест контролни натпревари.

Тимот го напуштија Марко Рајковиќ, Марио Маслаќ и Давид Денковски.

Освен Ангел Гранчов, првото засилување за тимот, потпиша и Ндуе Мујеци. Станува збор за 26-годишен напаѓач, кој е роден во Скадар,Албанија, а до сега во кариерата има настапувано за екипите на Влазнија, Ада, Пирин Благоевград, Дунав Русе, Сабуртало, Вентспилс.